Салбар дундын шинжлэх ухааныг уялдуулах замаар тогтвортой хөгжлийг дэмжих, хоёр орны залуу судлаачдын хамтын ажиллагааг өргөжүүлэх зорилгоор Монгол, Беларусын залуу судлаачдын чуулга уулзалт 2025.09.29-30-ны өдрүүдэд ШУА-ийн “Их чуулганы танхим”-д амжилттай зохион байгуулагдлаа.Тус чуулга нь “Салбар дундын шинжлэх ухаан: Тогтвортой хөгжлийн төлөөх залуу эрдэмтдийн хамтын ажиллагаа” сэдвийн хүрээнд зохион байгуулагдсан бөгөөд Үндэсний Шинжлэх ухаан, технологийн сангаас “Хамтарсан төсөлд оролцох боломж, санхүүжилтийн механизм” сэдвээр илтгэл хэлэлцүүлж, хамтарч оролцлоо.
