#Шинжлэх ухаан, технологийн сангаас санаачлан Зохион Бүтээгчдийн Академитай хамтран бүх нийтийн мэдээллийн технологийн боловсролыг дэмжсэн “Pобот оньс” цахим сургалтыг 2 үе шаттай зохион байгуулсан бөгөөд тус сургалтыг амжилттай дүүргэсэн ЕБС-ийн багш нарт 24 багц сургалтын иж бүрдэл хэрэгслийг өнөөдөр /2024.06.12/ хүлээлгэн өглөө.
Шинжлэх ухаан, технологийн сангийн захирал, техникийн ухааны доктор Д.Одгэрэл, Зохион бүтээгчдийн академийн захирал, Математик-Роботын сургалтын хөтөлбөр хөгжүүлэгч, электроникийн инженер, профессор, доктор Ц.Хүрэлбаатар цахим сургалтын хугацааны идэвх оролцоо, даалгавар гүйцэтгэлийн явцыг үндэслэн 330 багшаас шалгарсан ерөнхий эрдмийн 12 сургуулийн багш нарт сургалтын “Батламж” олгож, “Pобот оньс”-ын удирдлагын загварчлал бүхий программ хөгжүүлэлт иж бүрдлийг сургууль тус бүрд гардуулан өгсөн юм.#Монгол инженерүүдийн зохион бүтээсэн блок программчлалын хэлд суурилсан “Оньс робот” цахим сургалт нь ШУТСангаас санхүүжилттэй “Ерөнхий боловсролын сургуулийн сурагчдын инженерчлэлийн сэтгэлгээг хөгжүүлэхэд робот тоглоомын аргачлалыг ашиглах нь” сэдэвт 2017-2021 онд хэрэгжүүлсэн шинжлэх ухаан, технологийн төслийн үр дүнг хот, хөдөөгийн ЕБС-ийн багш нарт сурталчлан таниулах, түгээн дэлгэрүүлэх зорилгоор 4-5 сарын хугацаанд нийт 6 өдрийн 45 цагийн хичээлийг цахимаар зохион байгуулсан юм.
Үндэстний хэмжээнд буюу 21 аймаг, нийслэлийн 5 дүүргийн ЕБС-ийн 330 багш цахимаар бүртгүүлж, сургалтад хамрагдсан бөгөөд багш нарын мэдлэгээр дамжуулж дунд, ахлах ангийн сурагчид техник сэтгэлгээ, бүтээлч хандлагад суралцаж ирээдүйн инженерийг бэлтгэх зорилготой тус сургалтыг сонгон суралцсан багш нар өнөөдөр шавь нарын хамт хүрэлцэн ирж, дадлага ажлыг хамтдаа гүйцэтгэн газар дээр нь туршиж үзэв.Өнөөдрийн арга хэмжээнд хүрэлцэн ирсэн ЕБС-ийн багш нар ирээдүйн инженерүүд болох “бяцхан инженер” шавь нарын хамт робот зохион бүтээж, сурах бичгийн агуулгын дагуу өөрсдийн мэдлэг, ур чадвараар гүйцэтгэж, үр дүнг тун сонирхолтой байдлаар илтгэж, бяцхан сорилыг давж чадлаа.Хэнтий аймгийн Гурванбаян сумын сургуулийн Я.Сүхбаатар захирал 4-р ангийн сурагч С.Төгсболдын хамт;БЗД-ийн 44-р сургуулийн мэдээллийн технологийн багш Б.Оюундарь 6-р ангийн Э.Мөнх-Эрдэнэ шавьтайгаа;БЗД-ийн 55-р сургуулийн мэдээллийн технологийн багш Д.Уртнасан 6-р ангийн сурагч У.Наранзулын хамт;Нийслэлийн “Уудам Монгол” ЕБС-ийн 10-р ангийн сурагч Э.Карл, 7-р ангийн Г.Ирмүүн нар мэдээллийн технологийн Э.Мандхай багштай хамтран тус бүр 4 баг болж “Оньс робот”-ыг ашиглан автомат явагч робот угсарч, уралдуулсан ба Зохион бүтээгч академийн сургагч багш нарын заавар дор зарим нэг алдааг засаж, техникийн ур чадвараа сорьж, богино хугацаанд багийн ажиллагаагаар хэрхэн, яаж ажиллах дадлагад суралцсан юм.“ЕБС-ийн сурагчдын инженерчлэлийн сэтгэлгээг хөгжүүлэхэд робот тоглоомын аргачлалыг ашиглах нь” сэдэвт төслийн үр дүнг түгээн дэлгэрүүлсэн “Оньс робот” сургалтыг эхнээс нь дуустал дэмжиж, давхар суралцаж, өөрийн сургуульдаа сургалтын хэрэглэгдэхүүнийг бэлгэнд гардан авч, сурагч нартаа оюуны хөрөнгө оруулалт хийсэн нэр бүхий 12 сургуулийн удирдлага, багш, сурагч нартаа талархал илэрхийлээд, “Багш Тандаа баярлалаа”1. Увс аймаг, 5-р сургуулийн дизайн технологийн багш Г.Мөнхжаргалан;
2. Сэлэнгэ аймаг, Мандал сумын 4-р сургуулийн дизайн технологийн багш Б.Энхмандах;
3. Говь-Алтай аймаг, Баян-Уул сум дизайн технологи, дүрслэх урлагийн багш Т.Баттөр;
4. Завхан аймаг, Тосонцэнгэл сумын 1-р сургуулийн математик, мэдээллийн технологийн багш Э.Санжаасүрэн;
5. Хэнтий аймаг, Гурванбаян сумын захирал Я.Сүхбаатар, мэдээлэл зүй, англи хэлний багш Б.Батчимэг;
6. Өвөрхангай аймаг, Өлзийт сумын ЕБС-ийн мэдээлэл зүйн багш Г. Амарсанаа;
7. Нийслэлийн “Уудам Монгол сургууль”-ийн мэдээллийн технологийн багш Э.Мандхай;
8. СХД-ийн 105-р дунд сургуулийн захирал Г.Чимгээ, дизайн технологийн багш Ж.Отгонбаяр
9. БЗД, 69-р сургуулийн мэдээллийн технологийн багш Ц.Оюун-Эрдэнэ;
10. БЗД, 44-р сургуулийн мэдээллийн технологийн багш Б.Оюундарь;
11. БЗД, 55-р сургуулийн мэдээллийн технологийн багш Д.Уртнасан;
12. СБД, “Үй цай” сургуулийн захирал Д.Баяраа;
Өнөөдрийн арга хэмжээнд Увс, Сэлэнгэ, Говь-Алтай, Завхан аймгаас багш нар зорин ирсэн нь хамгийн холын зочид байлаа.Дашрамд сонирхуулахад, “Уудам Монгол” ЕБС-ийн 10-р ангийн сурагч Э.Карл, 7-р ангийн Г.Ирмүүн нар ШУТИС, Мэдээлэл холбооны сургууль дээр жил бүр зохион байгуулагддаг “Автомат робот-2024” улсын тэмцээний төрөлд 3-р байр эзэлсэн сурагчид бөгөөд сурагчдаа чиглүүлж, дадлагaжуулсан Э.Мандхай багш Зохион Бүтээгчдийн Академийн багш нартай хамтран тус сургaлтын хэрэглэгдэхүүн дээр сорил ажлыг гүйцэтгүүлж байсан нь амжилт гаргахад нөлөөлсөн хэмээн онцоллоо.
Жич: техник ажиллагааг хянаж үзээгүй алдаанаас болж үйл явдлын гоё агшинг илтгэх гэрэл зураг нүүр хуудаст бүрэн оруулж чадаагүйд өнөөдөр хүрэлцэн ирсэн нийт багш, сурагчдаасаа хүлцэл хүсэж байна.
