Насанд хүрсэн монгол хүний ийлдэс дэх селений дундаж хэмжээ, зарим хавдар, зүрх судасны өвчлөлийн үеийн хамаарал (2012-2014 он).Селен нь хүний биеийн эд эсийг хэт исэлдэлтээс хамгаалахын зэрэгцээ, халдварын эсрэг дархлаа тогтоох, бие бялдарын өсөлт, хөгжилтийг дэмжих ба хавдрын эсрэг үйлчилгээтэй эрдэс юм. Хүний цусны сийвэн дэх селений агууламж 85 мкг/л байх нь уг бичил элементийн агууламж 220 мкг/л байдаг
хүмүүстэй харьцуулахад хавдраар өвчлөх магадлал 3 дахин их байдаг байна.
Органик селенээр тахианы тэжээлийг баяжуулж, хүнсний өндөгний тэжээллэгчанарыг нь сайжруулах зорилгоор тус судалгааны ажлыг гүйцэтгэн селений хүнсний бүтээгдэхүүнд агуулагдах зохистой найрлага, харьцааг тогтоосон нь тус судалгаан ач холбогдол юм. Иймд органик (Сел-Плекс) селенээр тахианы тэжээлийг баяжуулснаар хүн өдөрт 1-2 өндөг хэрэглэвэл хоногт авах ёстой селений 40-50%-ийг хангах боломжтойг тогтоож, “Түмэн шувуут” ХХК-тай хамтран практикт нэвтрүүлжээ.
