Акселерометр (хөрсний хурдатгал хэмжигч мэдрүүр)-т зохиомлоор механик хөдөлгөөн дамжуулах (чичиргэх) замаар ажиллагааг нь шалгах зориулалт бүхий shaking table-ийг  зохион бүтээж өөрсдийн турших, шалгах ажилдаа ашиглаж байна.  Shaking table гэж өгөгдсөн зааврын дагуу,  зохиомлоор чичирхийлэл үүсгэх зориулалт бүхий нэг, хоёр эсвэл гурван тэнхлэгт чөлөөтэй хөдлөж чадахуйц туршилтын тавцанг юм.

Газар хөдлөлт бүртгэх хээрийн болон нүүдлийн станцын нүхэн байрны дотор байрлах сейсмометр, дижитайзер (тоон хөрвүүлэгч), сүлжээний төхөөрөмж, тэжээлийн систем зэргийн хэвийн ажиллагааны нөхцөл байдал, гадна байрлах төхөөрөмжүүд болох нарны зайн дэлгэцийн цэнэглэлт, бүрэн бүтэн байдал хэрэглээний горим, нүхэн байрны тагны төлвөөс гадна хэрэглэгч тус бүрийн хүчдэл, гүйдэл, орчны агаарын чийгшил, темпратур, усны мэдээлэл зэрэг утгуудыг сүүлчийн болон өмнөх утгуудын хамтаар төв рүү мэдээллэж график, тоон байдлаар интерфейс орчинд тасралтгүй харуулах, хянах, анхааруулах болон зарим нэгэн параметрүүдийг удирдах зэрэг үйлдэл хийдэг техник ба програм хангамж бүхий цогц систем  зохион бүтээж туршилтын журмаар хэрэгцээнд нэвтүүлээд байна.

Одон орон геофизикийн хүрээлэнгээс  БХБЯ -захиалгаар 2018 онд хийсэн Монгол орны нутаг дэвсгэрийн газар хөдлөлтийн ерөнхий мужлалын 1: 1000000 зургыг  сүүлийн үеийн судалгааны үр дүнгээр баяжуулан сайжруулж 2020 онд гаргалаа. Зургыг газар хөдлөлтийн балл, болон хөрсний оргил хурдатгал бүрээр  50, 500, 2500 давдагдах хугацааны хувьд  гаргасан.