Бүтээгдэхүүний танилцуулга: Шинжлэх ухаан, технологийн сангийн санхүүжилттэй “Сэлгээнд тариалах, шинэ төрлийн жижиг үрт ашигт ургамал тариалах механикжсан технологи боловсруулах” төслийн хүрээнд  жижиг үрт тосны ургамлын (жишээ нь рапс, камелина сатива, гич, тосны маалинга, гүргэм, царгас, гэх.мэт) тариалалтын чанарыг сайжруулахын тулд ховил бүхий дискин үрлэх аппартыг шинээр зохион бүтээн үйлдвэрлэлд туришаад байна. Ховил бүхий дискэн үрлэх аппаратыг хийхдээ үрлэгээний ажлын тогтвортой байдлыг хангах гол үзүүлэлт нь үрийг тэжээлийн талбайд  эгнээний уртын дагуу жигд хуваарилах, үрийн материалыг механик гэмтэлд оруулахгүй байхаар зохион бүтээгдсэн болно

Ерөнхий хийц зохиомж: Өөрчлөн тоноглосон СЗП-3.6А үрлүүр нь үрлэх цант сошник, доод болон дээд талын цулбуур, тэгшлэх-нягтруулах хэрэгсэл, угсармал бул, гидроцилиндр болон жижиг үрт тосны ургамал тариалахаар өөрчлөн тоноглосон ховил бүхий диск хэлбэрийн үр хуваарилах аппарат 24 ширхэг, үр чиглүүлэгч 24 ширхэг, өөрчлөн сайжруулсан 22 ширхэг бул зэрэг угсралтын үндсэн нэгжээс бүрдэнэ.

Бүтээгдэхүүний баталгаажуулалт: Монгол Улсын Ашигтай загварын гэрчилгээ № 20-0003114, 20.0003115  2020 он

Бүтээгдэхүүний танилцуулга: Шинжлэх ухаан, технологийн сангийн санхүүжилттэй “Мод тарих механикжсан технологи боловсруулах” төслийн хүрээнд модыг үрээр болон мөчрөөр үржүүлэх зорилготой бионүүрс агуулсан хөрсөн бортогыг үйлдвэрлэж байна. Бортгыг төрөл бүрийн хэмжээтэйгээр хийж, мод, бутны болон хүнсний ногооны үрслэг бойжуулах боломжтой. Орцод хөрс 60%, бионүүрс 20%, ялзмаг 10%, бордоо 10% агуулсан ба бортогонд ургуулсан мод, бутны үрслэгийг уул уурхайн нөхөн сэргээлт, салхинаас хамгаалах ойн зурвас, цөлжилтийн эсрэг ногоон байгууламж үүсгэх зэрэгт ашиглаж болно.  ХААИСургуулийн Инженер, технологийн сургууль, Төв аймгийн Заамар сум дахь Монполимет группын Тосон үйлдвэр хамтран нийт 6000 ширхэг улиас, хайлаас, бургасыг бионүүрсэн бортгонд мөчрөөр үржүүлж, биологийн нөхөн сэргээлтэнд ашиглаж байна.

Бүтээгдэхүүний баталгаажуулалт: Монгол Улсын Ашигтай загварын гэрчилгээ №2522, 2016 он

Бүтээгдэхүүний танилцуулга: Шинжлэх ухаан, технологийн сангийн санхүүжилттэй “Цахим богц” төслийн хүрээнд малчдыг мэдлэгжүүлэх, мэдээлэл олгох аппликейшныг хөгжүүлж байна. Цахим богц нь малчид хоорондын харилцаа, мэдээлэл солилцох мөн тэднийг мэдлэгжүүлэх зорилготой бөгөөд мэдээ мэдээллийн хөгжүүлэлтийг төслийн багийн хамт олон хийнэ. Одоогийн Монголын нүүдлийн мал аж ахуйд тулгамдаж байгаа, яаралтай шийдвэрлэх хэрэгтэй байгаа мэдээллүүдийг тус аппликейшнд оруулах ба үүнд байгалийн нөөцийн асуудал, цаг агаарын өөрчлөлт, бэлчээрийн менежмент, сүргийн бүтэц, тэжээл, малын эрүүл мэнд, өрхийн үйлдвэрлэл мөн малчдын чөлөөт цагийг өнгөрүүлэх булан зэрэг багтана.  Тус аппдикейшн нь малчдын хөдөлмөр эрхлэлтийг нэмэгдүүлэх, мэдлэг, чадварыг дээшлүүлэх, хүч, хөдөлмөрөө хоршихыг урамшуулах, бэлчээрийн мал аж ахуйг эрхлэн хөтлөх аргыг боловсронгуй болгох, эрчимжсэн мал аж ахуй эрхлэгчийг дэмжих замаар малчдын тав тухтай амьдрах орчин, нөхцөлийг бүрдүүлэх, мал аж ахуйг эрсдэл багатай, баталгаатай хөгжүүлэхэд тус нэмэр болно гэж үзэж байна.

Аппликейшны агуулга /Анхны загвар 1.0.0/

Хэрэглэгчийн заавар:

• Идэвхижүүлэгчид – таблетын агуулгыг хэрхэн шинэчлэх тухай
• Малчин зөвлөхүүд – ДМҮТ-ийн таблетыг хэрхэн идэвхижүүлэлт хийж мэдээллийг малчдад хүргэх тухай
• Малчид – Хэрхэн мэдээллийг авч, санал хүсэлт гаргах тухай

Техникийн чанартай мэдээлэл:

• Бэлчээрийн менежмент
• Сүргийн бүтэц
• Мал үржил
• Мал маллах арга техник
• Тэжээл, Тэжээлийн ургамал
• Малын эрүүл мэнд:
  • Гарын авлагууд
  • Ж-мобайлаас боловсруулсан малын өвчин таних аппликейшн
• Үйлдвэрлэлийн орц, тоног төхөөрөмжийн каталоги

Хоршоодтой холбоотой мэдээллүүд:

• Өрхийн санхүү, эдийн засаг
• Зах зээлийн мэдээлэл

Цаг агаарын мэдээлэл

Малчдын бүлэгт зориулсан мэдээ

• Орон нутгийн төр засгийн бодлоготой холбоотой мэдээ, мэдээлэл
• Малчдын мэдээлэл солилцох цэг (зураг, дүрс бичлэг, мессеж, дуут бичлэг)

Чөлөөт цаг булан

• Хоолны жор
• Хөгжим
• Шүлэг, яруу найраг

Тоглоом, Толь бичиг (Англи, Орос)

Бүтээгдэхүүний баталгаажуулалт: Монгол Улсын Ашигтай загварын гэрчилгээ №9492, 2017 он