ХӨГЖҮҮЛЭХ ҮЙЛ АЖИЛЛАГААНЫ БОЛОВСРУУЛАЛТ № 4

Суралцахуйн чиглэл: МАТЕМАТИКИЙН ЭНГИЙН ТӨСӨӨЛӨЛ БҮЛЭГ: Бэлтгэл бүлэг СЭДЭВ: Шоо ба тоо тоолол ЗОРИЛГО: Шоог нэг нэгээр нь барьж өнгө ялгаж өрөх, барих, эвлүүлэх, шооны тоог дэс дарааллаар байрлуулан өрөх, шоог ижил тоотойгоор давтан нэрлэж, зөв өрөх, тоо цээжлэх Заах арга: Тооллын арга, үзүүлэн таниулах арга, тайлбарлах арга, урамшуулах арга Хэрэглэгдэхүүн:

• Шооны талуудад 1-6 хүртэлх тоо бичигдсэн, 3 өнгөөр ялгасан ба ижил өнгийн, адил хэмжээтэй 9 ширхэг шооноос бүтсэн, тусгай зориулалтын суурьтай модон тоглоомын багц хэрэглэгдэхүүн
• Шоог байрлуулах хэмжээ, ижил өнгөөр бэлтгэсэн зураг

 Аргачлал:

• Тоглоомыг тавиураас хоёр гараараа барьж ширээн дээр авчирч тавина.
• Тоглоомыг суурийн хамт хайрцагнаас гарган, өрж байрлуулна.
• Тоглоомтой ижил өнгөөр бэлтгэсэн суурь зургийг өмнөө тавина.
• Шоог өнгөөр ялгаж, суурь дээр нэг нэгээр байрлуулна.
• Шооны тоог дэс дарааллаар байрлуулан өрнө.
• Дараа нь шооны ижил тоог дээш харуулан төрөлжүүлж, нэрлэн, суурь дээр байрлуулан өрнө.
• Бүгдийг байрлуулж дууссаны дараа ажиглаж, тоолж байрлуулах, өнгийн ялгааг нэрлэх зэргээр тайлбарлан ярилцана.
• Өөрсдийн санаагаар өөр өөр байрлалаар өрж тоглоно.
• Тоглоомоо хайрцагт хийж, тавиурт аваачиж тавина.

ХӨГЖҮҮЛЭХ ҮЙЛ АЖИЛЛАГААНЫ БОЛОВСРУУЛАЛТ № 3

Суралцахуйн чиглэл: МАТЕМАТИКИЙН ЭНГИЙН ТӨСӨӨЛӨЛ БҮЛЭГ: Бэлтгэл бүлэг СЭДЭВ: Бүхэл ба хэсгийн тухай ЗОРИЛГО: Дөрвөлжин, дугуй, олон өнцөгт дүрсийг таних, нэрлэх, эвлүүлэх, хэсгүүдэд хуваах, өнгөөр ялгах, бүхэл ба хэсгийн тухай мэдэх Заах арга: Үзүүлэн таниулах арга, тайлбарлах арга, урамшуулах арга Хэрэглэгдэхүүн:

• Дөрвөлжин, дугуй, олон өнцөгт дүрсээс бүтсэн, шар, улаан, ногоон, хөх 4 өнгөөр ялгасан, суурь тавиур бүхий модон тоглоомын багц хэрэглэгдэхүүн
• Модон тоглоомтой ижил өнгөөр бэлтгэсэн суурь зураг

 Аргачлал:

• Тоглоомыг тавиураас хоёр гараараа барьж ширээн дээр авчирч тавина.
• Өөрийнхөө өмнөх тоглоход зориулсан суурь тавиур дээр, тоглоомыг хайрцагнаас гарган байрлуулна.
• Тоглоомтой ижил өнгөөр бэлтгэсэн суурь зургийг өмнөө тавина.
• Дөрвөлжин, дугуй, олон өнцөгт дүрсээс бүтсэн тоглоомыг өнгөөр ялгаж суурь дээр нэг нэгээр байрлуулна.
• Дараа нь ижил өнгийн дүрсүүдийг хэсэг бүрээс ялгаж байрлуулна.
• Бүгдийг байрлуулж дууссаны дараа ажиглаж, бүхэл болгон нэгтгэж байрлуулах, дөрвөлжин, дугуй, олон өнцөгт дүрсээс бүтсэн хэлбэр, өнгийн ялгааг нэрлэх зэргээр тайлбарлан ярилцана.
• Өөрсдийн санаагаар өөр өөр байрлалаар өрж тоглоно.
• Тоглоомоо суурь дээр зөв байрлуулж, хайрцагт хийж, тавиурт аваачиж тавина.

ХӨГЖҮҮЛЭХ ҮЙЛ АЖИЛЛАГААНЫ БОЛОВСРУУЛАЛТ № 2

Суралцахуйн чиглэл: МАТЕМАТИКИЙН ЭНГИЙН ТӨСӨӨЛӨЛ БҮЛЭГ: Ахлах бүлэг СЭДЭВ: Тоо тоолол, нэмэх, хасах ЗОРИЛГО: Тоо болон нэмэх, хасах, тэнцүүгийн тэмдгийг таних, тоог дэс дарааллаар байрлуулах, цээжээр тоолох, өнгөөр ялгах, нэмэх, хасах үйлдлийг мэдэх Заах арга: Асуудал дэвгүүлэн ярилцах арга, үзүүлэн таниулах арга, тооллын арга, урамшуулах арга Хэрэглэгдэхүүн:

• 0-9 хүртэлх цифрээс бүтсэн ногоон, хөх 2 өнгийн тоо, шар өнгөөр ялгасан нэмэх, хасах, тэнцүүгийн тэмдэг бүхий, тусгайлсан суурьт байрлуулсан модон тоглоомын багц хэрэглэгдэхүүн
• Модон тоглоомын тоотой ижил өнгөөр бэлтгэсэн нэмэх, хасах, тэнцүүлэх үйлдлийн зургийн хувилбарууд, суурь тавиур

 Аргачлал:

• Өөрийнхөө өмнөх тоглоход зориулсан суурь тавиур дээр, тоглоомыг хайрцагнаас гарган байрлуулна.
• Тоглоомтой ижил өнгөөр бэлтгэсэн нэмэх, хасах, тэнцүүлэх үйлдлийн зургийн хувилбаруудыг өмнөө тавина.
• Тоо болон нэмэх, хасах, тэнцүүгийн тэмдгийг нэрлэнэ.
• Тоог дэс дарааллаар байрлуулж, тоолж сурна.
• Дараа нь тоонуудыг суурь дээр зөв байрлуулах, тооны ижил ба ялгаатай дүрсийг мэдэх.
• Тоглоомын тоог өнгөөр ялгаж суурь дээр нэг нэгээр байрлуулж нэмэх, хасах, тэнцүүлэх үйлдлийг дараалуулан гүйцэтгэнэ.
• Тоо тоолол, нэмэх, хасах тэнцүүлэх үйлдлийг давтан сурсны дараа ажиглаж, тоолж байрлуулах, өнгийн ялгааг нэрлэх зэргээр тайлбарлан ярилцана.
• Өөрсдийн санаагаар нэмэх, хасах тэнцүүлэх үйлдлийг гүйцэтгэж тоглоно.
• Тоглоомоо суурь дээр байрлуулж, хайрцагт хийгээд, тавиурт аваачиж тавина.

ХӨГЖҮҮЛЭХ ҮЙЛ АЖИЛЛАГААНЫ БОЛОВСРУУЛАЛТ № 1

Суралцахуйн чиглэл: МАТЕМАТИКИЙН ЭНГИЙН ТӨСӨӨЛӨЛ БҮЛЭГ: Бэлтгэл бүлэг СЭДЭВ: Дүрсийг таних, өнгийг нэрлэх ЗОРИЛГО: Дөрвөлжин дүрсийг таних, нэрлэх, барих, эвлүүлэх,  хэмжээгээр ангилах, хуваах, өнгөөр ялгах Заах арга: Тайлбарлах арга, тооллын арга, урамшуулах арга Хэрэглэгдэхүүн:

• Дөрвөлжин дүрсээс бүтсэн, 3 өнгөөр ялгасан, шаталсан хэмжээтэй, модон тоглоомын багц хэрэглэгдэхүүн
• Модон тоглоомтой ижил өнгөөр бэлтгэсэн зураг, суурь тавиур

 Аргачлал:

• Тоглоомыг тавиураас хоёр гараараа барьж ширээн дээр авчирч тавина.
• Өөрийнхөө өмнөх тоглоход зориулсан суурь тавиур дээр, тоглоомыг хайрцагнаас гарган, өрж байрлуулна.
• Тоглоомтой ижил өнгөөр бэлтгэсэн суурь зургийг өмнөө тавина.
• Дөрвөлжин дүрстэй тоглоомыг өнгөөр ялгаж суурь дээр нэг нэгээр байрлуулна.
• Дараа нь ижил өнгийн дүрсүүдийг суурь дээр шатлуулан давхарлаж байрлуулна.
• Бүгдийг байрлуулж дууссаны дараа ажиглаж, тоолж байрлуулах, дөрвөлжин хэлбэр, өнгийн ялгааг нэрлэх, тайлбарлан ярилцана.
• Өөрсдийн санаагаар өөр өөр байрлалаар өрж тоглоно.
• Тоглоомоо хайрцагт хийж, тавиурт аваачиж тавина.