ОЛОН УЛСЫН ХАРИЛЦААНЫ ХҮРЭЭЛЭН
Шинжлэх Ухааны Академийн Олон улсын харилцааны хүрээлэн нь Монгол Улсад гадаад орон судлалын бие даасан бүтэц болон 1968 онд байгуулагдсан 50 жилийн түүхтэй шинжлэх ухааны байгууллага юм. Тус хүрээлэн түүхэн хөгжлийн хагас зуун жилийн хугацаандаа “Үүсэл, төлөвшлийн үе” (1968-1985 он), “Өөрчлөлт шинэчлэлийн үе” (1986-1999 он), “Шинэ зууны хөгжлийн үе” (2000-2018 он) гэсэн 3 үе шатыг туулан өнөөдрийн түвшинд хүрчээ.
Хүрээлэнгийн үе үеийн эрдмийн хамт олон өнгөрсөн 50 жилийн хугацаанд Монгол Улсын гадаад бодлогын шинжлэх ухааны үндэслэлийг боловсруулах, шийдвэр гаргах үйл явцад гадаад бодлого, орон судлалын суурь судалгааны үр дүнгээрээ зохих хувь нэмэр оруулсаар байна. Энэ үүднээс өнгөрсөн хугацаанд хөрш ОХУ, БНХАУ болон гуравдагч хөрш орнуудын ашиг сонирхол, бодлого, зорилт, хөгжил дэвшил, түүх, соёлыг өргөн хүрээнд судлахад үйл ажиллагаагаа бүрэн чиглүүлж иржээ. Тус хамт олны дунд эрдмийн бүтээл туурвилаараа Монгол Улсдаа төдийгүй олон улсад хүлээн зөвшөөрөгдсөн олон эрдэмтэн түүхэн хугацаанд тодрон гарсан байна.
Бүтээгдэхүүнүүд
Эрдмийн Далай
20,000 ₮
Монгол-Вьетнамын харилцаа: Түүх ба орчин үе
10,000 ₮
Богд хаан-150 (түүх,соёл,өв)
30,000 ₮
Нүүдэлчид ба Хувьсгалчид
20,000 ₮
Монгол Улсын гадаад харилцаа (түүх, орчин үе)
30,000 ₮
Олон улсын харилцааны хүрээлэн хагас зуун жилийн түүхэн товчоон (1968-2018)
30,000 ₮
Монгол улс төрийн гадаад харилцаа (1850-1919)
30,000 ₮
“Солонгос судлал” сэтгүүл
10,000 ₮
Олон улс судлал 2020, №1
15,000 ₮
Монгол-Хятадын харилцаа: шинэ боломж,сорил
15,000 ₮
Эрдмийн Далай
Монгол Улсын шинжлэх ухааны гавьяат зүтгэлтэн, академич, түүхийн шинжлэх доктор, профессор Чулууны Далайн мэндэлсний 90 жилийн ойн хүрээнд өмнө 80 жилийн ойд зориулан хэвлэгдсэн дурсамжийн номыг шинэчлэн засварлан гадаад, дотоодын эрдэмтэн, судлаач, хамтран зүтгэгч ах дүү, 20 гаруй хүмүүсийн дурсамжийг шинээр нэмэн, урд өмнө хэвлэгдээгүй гэрэл зургийн цомгийн хамт нийтэлсэн байна.
Монгол-Вьетнамын харилцаа: Түүх ба орчин үе
Монгол Улс, БНСВУ-ын хооронд дидломат харилцаа тогтоосны 65 жилийн ойн хүрээнд зохион байгуулсан эрдэм шинжилгээний хурлын эмхэтгэлд хоёр улсын харилцааны түүх, орчин үе, хэтийн төлөвт хамаарах хөгжлийн олон талт асуудлыг нэгтгэн дүгнэсэн илтгэлүүд багтсан байна.
Богд хаан-150 (түүх,соёл,өв)
Монгол Улсын сүүлчийн хаан, VIII Богд Жавзандамбын мэндэлсний 150 жилийн ойг орон даяар тэмдэглэн өнгөрүүлэх тухай Монгол Улсын Ерөнхийлөгч Халтмаагийн Баттулгын зарлигыг хэрэгжүүлэх хүрээнд зохион байгуулсан “Богд хаан – 150” олон улсын эрдэм шинжилгээний хурлын эмхэтгэл болно. Тус эмхэтгэлд гадаад, дотоодын 30 гаруй эрдэмтний илтгэл багтжээ.
Нүүдэлчид ба Хувьсгалчид
АНУ-ын нэрт монголч эрдэмтэн Оуэн Латтиморын тус бүтээл нь 1961 онд БНМАУ-д тэрээр зочилсон сэтгэгдэлдээ үндэслэн бичсэн тухайн үеийн социалист Монгол орны тухай гадаадын эрдэмтний туурвисан сонирхолтой бүтээл юм.
Монгол Улсын гадаад харилцаа (түүх, орчин үе)
Уг бүтээл нь ШУА-ийн Олон улсын харилцааны хүрээлэнгийн эрдэмтдийн хагас зууны туршид туурвисан шилмэл өгүүллийн дээжээс түүвэрлэн эмхэтгэсэн ном болно.
Олон улсын харилцааны хүрээлэн хагас зуун жилийн түүхэн товчоон (1968-2018)
Тус бүтээл нь ШУА-ийн Олон улсын харилцааны хүрээлэнгийн 50 ойн хүрээнд хэвлэгдсэн бөгөөд тус байгууллагын түүх, хөгжил өөрчлөлтийн үйл явцыг архивын баримтад тулгуурлан анх удаа бичсэн байна.
Монгол улс төрийн гадаад харилцаа (1850-1919)
Доктор Ш.Сандагийн тус бүтээл нь 1850-1919 он хүртэлх Монголын нийгэм, улс төрийн түүхийн зангилаа асуудлыг дүгнэн шинжилсэн бөгөөд өнөөг хүртэл судалгааны үнэ цэнтэй бүтээл хэвээр байна. ШУА-ийн Олон улсын харилцааны хүрээлэнгийн 50 жилийн ойн хүрээнд уг бүтээлийг доктор О.Батсайхан эрхлэн дахин хэвлүүлсэн байна.
“Солонгос судлал” сэтгүүл
ШУА-ийн Олон улсын харилцааны хүрээлэнгийн Солонгос судлалын сектороос эрхлэн гаргасан энэхүү сэтгүүлд Солонгос судлал, хоёр улсын харилцааны голлох чиглэлүүдийг багтаасан олон сонирхолтой өгүүллийг багтаасан байна.
Олон улс судлал 2020, №1
Тус сэтгүүл нь 1978 оноос “Дорно дахины судлалын асуудал” нэртэй хэвлэгдэж 2000 оноос “Олон улс судлал” нэрээр уншигчдад хүрч байгаа олон улсын харилцаа, орон судлалын сэтгүүл юм. Мөн онлайн шинжлэх ухааны сэтгүүлийн сайтад бүртгэлтэй онлайнаар нийтлэгддэг болно. https://www.mongoliajol.info/index.php/JIS
Монгол-Хятадын харилцаа: шинэ боломж,сорил
Монгол, Хятадын харилцаа нь өнө эртний түүхтэй боловч орчин үед хоёр талын харилцааны эрчимжилт нэмэгдэж, олон төрөл агуулгаар баяжсаар байна. Энэ үүднээс хоёр улсын харилцрааны боломжийг харилцан нэмэгдүүлэх, сорилт бэрхшээлийг даван туулах, бууруулах чиглэлд анхаарлаа хандуулж санал дүгнэлтээ дэвшүүлсэн эрдэмтний байр суурийг энэхүү бүтээлээс уншиж танилцах боломжтой юм.