Халифорте /Жамц-4/ Эмийн хэлбэр нь хатуу капсул бөгөөд хоол боловсруулалтыг сайжруулах бэлдмэл юм. Нойр булчирхайн гадаад шүүрлийн үйл ажиллагааны дутмагшил, ходоод, гэдэс дүүрэлт, суулгалт, хоол тэжээлийн боловсролтын түр зуурын хямралын эсрэг үйлчилгээтэй.Гастрофайр /Анар-5/ Анар-5 шахмал эм нь ходоодны париеталь эсийн Н+-К+ АТФаза ферментийг идэвхжүүлэн давсны хүчлийн ялгаралтыг нэмэгдүүлдэг.Монфлю /Лидэр-7/ Монфлю нь интерлейкин-6 ба 1 бетта, хавдар үжлийн хүчин зүйл үрэвслийн цитокины хэмжээг бууруулах, интерлейкин-10 нийлэгжилтийг нэмэгдүүлэх замаар үрэвслийн эсрэг ба халуун бууруулах бие махбодын дархлааг сэргээх, өвчин эсэргүүцэх чадварыг дээшлүүлэх үйлдэл үзүүлнэ.
Тус хүрээлэнгийн эрдэмтэн судлаачид уламжлалт эмэнд тавигдах ерөнхий стандарт-3, уламжлалт эмэнд тавигдах тусгай стандарт-30, уламжлалт эмийн ургамал, амьтан, эрдсийн гаралтай түүхий эдийн стандарт-149, үндэсний фармакопейн өгүүлэл-46, үйлдвэрлэгчийн фармакопейн өгүүлэл-1 зэргийг судлан боловсруулж батлуулжээ. Мөн 1990 онд 86 эм, тангийн, 2003, 2015 онуудад 183 эмт бодис, 177 эм тангийн чанарын хяналтын үнэлгээний үзүүлэлтүүдийг судлан тогтоожээ.Дээрх үр дүнд тулгуурлан Монгол Улсад уламжлалт эмийн 7 үйлдвэр улсын бүртгэлд бүртгүүлсэн 1021 (давхардсан тоогоор) уламжлалт эмийг үйлдвэрлэн жилд 7 тэрбум орчим төгрөгийн борлуулалт хийгдэж байна.
