Байгалийн голомтот халдварт галзуу өвчнөөр манай орны өвөрмөц нөхцөлд чоно, үнэг, хярс, мануул, өмхий хүрэн мэт зэрлэг амьтад өвчилж мал, нохойд дамжин улмаар хүнд халдварлах тохиолдол жил бүрийд сэрүүний улиралд цөөн боловч дахин давтан тохиолдсоор байна.Галзуугийн эсрэг иммуноглобулин – Equane нь галзуугийн бэхжүүлсэн вирусээр хэт дархлаажуулсан морины ийлдэснээс ялган авсан гамма фракцын уураг агуулсан тунгалаг уусмал юм. Үйлчлэг бодис нь галзуугийн вирусын сөрөг эсрэг биет юм. Төслийн хүрээнд галзуу өвчнөөс эмчлэн сэргийлэх өвөрмөц иммуноглобулин 200-300 хүн/тун буюу 1000-1500 мл бэлдмэлийг гарган авсан байна.Түүнчлэн “Галзуугийн эсрэг иммуноглобулины стандарт” УБД:200000171-ийг боловсруулан батлуулж, үйлдвэрлэлд нэвтрүүлжээ.
