Хавдар судлалын үндэсний төв “Нойр булчирхайн хавдрын мэс засал эмчилгээг нутагшуулах нь” цөм технологийн төслийг 2016, 2018 онд 223.5 сая төгрөгийн санхүүжилтээр гүйцэтгэжээ. Манай улсад хорт хавдрын өвчлөлийн шинэ тохиолдол жилээс жилд өсөж, нас баралтын хоёр дахь шалтгаан болж байгаа бөгөөд 40-55 насны буюу хөдөлмөрийн насны хүн амд зонхилон тохиолдож байна. Монгол улсын эрүүл мэндийн салбарт дүрс оношлогооны чадамж сайжрахын хэрээр нойр булчирхайн хавдрын илрүүлэлт нэмэгдэж байна. Тухайлбал, нойр булчирхайн хавдрын шинэ тохиолдлын тоо 2007 онд 45 байсан бол 2009 онд 92 болсон ба 2011 онд 120 болж өссөн дүнтэй байжээ.ТӨСЛИЙН ҮР ДҮН:• ХСҮТөв дээр бусад эмнэлгийн эмч нарыг эх орондоо сургаж дадлагажуулснаар Монгол улсад нойр булчирхайн хавдрын мэс заслыг ХСҮТ, УХТЭ, УНТЭ, Монгол-Японы эмнэлэг зэрэг эмнэлэгт хийж, Монгол Улсын иргэн санхүүгийн дарамтгүйгээр эх орондоо уг тусламж үйлчилгээг авч байна.
• Зөвхөн ХСҮТөв дээр жилд дундажаар 50 орчим нойр булчирхайн мэс засал хийгдэж байна.
• Гадаад улсад уг мэс засал нь 60-80 сая төгрөг орчим болдог ба дундажаар бодож үзэхэд 1 жилд гадагшаа урсах 3-4 тэрбум орчим төгрөгийг хэмнэж байна
